Panalambiton sang mga Israelinhon sa Ila Pagkabihag

1 Nagpungko kami sa higad sang mga suba sa Babilonia kag naghilibion sang madumduman namon ang Zion.

2 Ginsang-at na lang namon ang amon mga arpa sa mga sanga sang kahoy.

3 Ginapakanta kami sang mga nagbihag sa amon.

Ginasugo nila kami sa paglingaw sa ila.

Siling nila,“Kantahi ninyo kami sang kanta parte sa Zion!”

4 Paano kami makakanta sang mga kanta nga para saGinoosa duta sang mga nagbihag sa amon?

5 Kabay pa nga indi na maghulag ang akon tuo nga kamot kon kalimtan ko ang Jerusalem!

6 Kabay pa nga indi ako makahambal kon indi ko pagdumdumon kag kabigon nga akon dako nga kalipay ang Jerusalem.

7 Dumduma,Ginoo, kon ano ang ginhimo sang mga Edomnon sang gin-agaw sang Babilonia ang Jerusalem.

Nagsiling sila, “Gub-a ninyo ina sing bug-os.”

8 Kamo nga mga pumuluyo sang Babilonia, pagalaglagon kamo!

Bulahan ang mga tawo nga magabalos sa inyo sang inyo ginhimo sa amon.

9 Bulahan sila nga magakuha sang inyo magagmay nga mga bata kag magalampos sa ila sa mga bato.